9/6 第二日，由於遲左小小出門口所以大約10:45左右入隊 企左係ae門口 今日都係2條龍
之後大約200組。但抽90幾之後又係講左聲唔該之後走左
10/6 第三日，今日都係大約40-45分入隊 但由於星期六 明顯人好多 大約三龍。 今日抽17x
之後都係點頭走了
11/6。笫四曰，今日係星期日 入隊時間差唔多
但由於星期日見過有人會被請走所以有小小擔心，結果黑衫問我識唔識英文 之後我話無問題所以冇事，
但見到有強國人被請走 之後今日抽2xx 極差。但我前5個都中 仲要比一個人打左尖佢抽3號 之後都點頭走左
由於已經連炒四日灰到嘔所以已經冇look卡
好多野都比cash算。去埋hb既代理店睇下有冇野汁 但去到得極小野
12/6。第五曰，今日約左fb識既谷友一齊去抽
但佢地遲到所以等左佢地好耐。見佢地仲未到
所以55分先行入隊。已經係好隊尾 而佢地入唔到隊 今日抽1xx而前面又係抽中3號。
我真係黑到嘔電。之後冇計點頭走左。而今日去左fa買銀珠同下北澤買紅珠 50yan 1粒。
因為個心已經打定輸數會炒哂 所以諗住用淨既yan當下次旅行算
13/6。 第六日，今日係第六次得番2次機會，而為左令fb谷友唔遲到所以約左抽之前食bills
之後食完35分入隊企十字路囗。中途佢地話不如俾你企番前面話可能你今日企前面好d,
跟住我就話我企後便好d 如果企我前面都係抽到好 我益你地咪仲好，之後今日超大雨
我地三個人都冇姐大家都濕唒，但今曰比我抽到43而我前面果5個都冇，
二女同大女見到43就話今日又落雨maybe wait too long you ok? 之後我老撚都話okok okok
之後拎完手帶去左隊尾點名 之後食完lunch三點番去 約4:35上鋪頭。
今次係第一次上所以極緊張 上去有上銀左右 上銀tq左右。點金古 大中細箭 中大八本 四鏈 水蓋同鷹匙。
我首先問點金ok. 之後問鏈話next time 之後簡左短財細巾著 皮手圈。
再即時換左個放射金繩tq扣係短財而換扣果陣同二女傾話點解我簡依個原色皮唔簡黑色 因為用耐左會變色好靚，
二女都即刻話係啊佢自己都最鐘意依隻色可以用到佢地木門果隻色，
之後埋左單再係上面傾左陣計問我邊到黎，打算幾時走，我就話星期四夜晚走 之後佢地就話睇我星期四黎唔黎埋。
之後就續個同佢地講byebye走左
富我落到去就諗係喎早知問埋水蓋其實應該有機，不過算 第一次上去買5樣其實算好好
14/6 星期三休日
15/6。第七日亦係最後一日 今日抽之前都覺得今日一定會有因為早兩日見佢地問睇我黎唔黎抽
今日一樣係十字路囗入隊 去到比飛仔見到今日係二女就知應該有運行，埋到去抽奬 抽92衰左，
不過唔緊要比左後補我而今晚又係凌晨機走所以冇問題照排，到了5:35分二女落黎同我地講小休去食飯。之後一個鐘後再番黎
大約7:30上鋪。上到去係Kan san企收錢 我一上到去就首先放底個短財係枱面因為我習慣手拎之後kan san望左望。
我就繼續睇毛櫃今日有小中箭頭。大中八本 鷹匙同鏈 ，咁我就問鏈先 之後問我要邊條 我就簡左太角。之後再問鷹匙都ok。
最後我見到仲有平打介就問埋可唔可以要。 之後Kan san問我想咩手指用叫我申手比佢睇，之後佢搵櫃筒話no size 可惜，
之後埋單二女就教我用鏈再同佢地傾左陣計 最後同佢講今日我last day同埋maybe see u next summer holiday 佢就話your trip is so lucky u buy many think and I will stay here every day u will see me之類就逐個同佢地講byebye走了。 總結今次收獲超豐富雖然頭5日炒哂但希望在明天
發表於 2017-6-17 01:43:54
發表於 2017-6-17 11:31:29
樓主
