上年日本排隊＋奇遇

chingye1227

話說我買了Goro's 一段時間，由Txke 5 到Yahoo auction 都買過，但係上年先終於第一次到本店排隊。

雖然當時已經有本論壇account ，但當時並未爬文，所以去到就miss咗抽簽。
Looking back,其實都幾好彩排到3x到。

其實時間都算快過，最難過係望住門口嗰個幾鐘。

我前後都係單丁一個日本人排，其中就聊下好似nice D 嗰個啦。
佢係那霸人，特登放假過嚟排，但係佢排第二次就買到超罕嘢（見圖），我即刻O哂嘴，同時亦「鄧」佢開心。
小小言語不通，但佢話隻扼唔使訂，見到就買咗喇。
有冇師兄係本店見過？

chingye1227

Anyway, 頂咗8個鐘，終於上到去。
又真係有熟客問兩句，乜都冇買就走㗎喎，非常不解。
當日基本貨品都算齊，上金，爪金，上金藍珠，金頂毛，銀直毛SML, 重要全部左右都齊。
鍊都齊，太／細角／丸，重要長鍊都有。
咁我問長鍊佢又唔俾配點金輪，但其實都冇乜鍊咀襯到，唯有放棄。
而家爬完文睇番轉頭我都算買得幾多。
End up 就買咗太丸配點金輪，上金藍珠，左右L直毛，同大太陽牌。

嗰種心情我到而家都重好記得，好似細個好想做嘅嘢終於實現咗咁。
但亦有少少後悔無留意下啲皮帶＆鹿皮袋。（但其實都未必夠錢買。 ^^")

雖然已經去完本店，但我喺Goro's嘅奇遇重未停喎。。。

chingye1227

去完東京，我同老婆就去咗輕井澤，唸住浸吓溫泉，行吓outlet。
行吓行吓，入咗Bape。兜咗個圈唸住走，突然店長哥哥叫住我，指住我抽Goro's喎。
嘩，原來佢先係高人，佢仲好好人企定定俾我影相。（見圖）
十字架，3金章扼（心諗佢又有，真係咁易買到？），見埋佢條皮帶我直頭眼都突埋，十分開心又有十二萬分嘅羨慕。

可惜佢英文唔好，完全唔知我問乜，我就只好離開。

但係我就好滿足咁番香港luuu~~

ronald_meng

第一次去一定有野漏，好似我自己咁我第一次都係掛住砌條鏈，淨係識得望住D毛左諗右諗，到返左落黎冷靜過後先後悔點解唔睇埋D銀包，不過唔係咁又點有藉口再去排呢，係咪？

Hardon3000

我未見過呢隻鈪本店有，但知道係好野！C兄乜月份去㗎？

十四毛

呢隻雙花手鐲，真係罕有到不行呀！

MoreMoreCha

Ching真好彩，上到去d o野咁齊，有得睇之餘仲入到對對稱毛仔

hazyben

那霸人 係邊度啊? 聽落有d 似龍珠 XD.     我上次去完全冇直毛 so sad ><

chingye1227

Staff at Bape 仲戴住點金毛戒同細毛戒～

十四毛

原宿Visvim有個sales都係Goros fans, 佢有先金同先金戒，佢話以前排兩個零鐘就入到，d野易買好多。大阪Istetan Visvim有位Sales哥哥都係Goros fans, 又帶先金係身,佢話佢brother有大鷹。我試過係香港二手錶店睇表，有個日本人入左黎，望見我條頸果排毛，問我係咪Goros? 我話係，佢個樣立時好誇張咁O咀。
Goros係日本人心中係好有份量！

toys_madman

唔係惡意得罪，但係很肯定帶其他品牌銀器，係唔會得到呢種光榮！

MoreMoreCha

toys_madman 發表於 2015-1-24 16:21
唔係惡意得罪，但係很肯定帶其他品牌銀器，係唔會得到呢種光榮！

雖然我都中意其他品牌，不過長期跟身就只有Goro's爪毛！
感覺係唔同d

kl8723

哥羅係日本簡直就係一個不受語言障礙嘅溝通渠道！不論上野本物古著店、原宿潮舖甚至AXC Mart都能與店員打開話題！果種開心係其他地方係搵唔到嘅！

kievnut

又學到嘢!