|
|
忽然諗起, 從我認識Goro's的第一天, 我就幾乎日日上網睇, 學, 同參觀人地o既配搭等等, 當然途徑包括MC, "你想"o既舊post, 香討, ig, 甚至微博都有 (雖然好多師兄都話大陸鼓吹老品, 多假o野, 不過我只係抱住睇下無防o既心態, 就算係假o既, 都可能配搭到一個好o既配搭).
跟住我開始慢慢發現, 原來香港, 台灣同大陸都有好多同好, 好好奇大家係點樣認識Goro's, 點樣開始中Goro's毒? 尤其係o係香港呢個行足MK / TST / CWB一日, 好細心留意人地條頸, 都可以搵唔到一個戴Goro's o既人o既地方.
講下自己, 話說我由細到大都好中意銀器, 不過家貧, 頸上面戴住o既都係十幾年前買落o既土炮銀鏈同吊墜, 所以就算係睇, 我都只會去女人街, 廟街, 或者老銀鋪, 你叫我入潮特果d睇簡直係妄想. 半年前左右人工三級跳 (雖然都唔係多), 開始搵究竟香港有冇一個銀器討論區, 當時只係抱住學o野同睇好o野o既心態~ 點知討論區就搵唔到, 竟然俾我搵到一個叫銀器之王樣o既page. 當時第一下o既感覺有d似張家輝 : "x你個街, 全部都係毛o黎o既!" 心諗 : "除左毛之外有冇其他o野睇下呀, 我唔係剩係想睇毛ga (我當時o既目標係睇十字架, 本身戴開果個唔可以長戴, 敏感起粒粒, 所以想搵個可以長戴o既, 貴少少o既, 可以日日戴戴到死果日), 又話銀器之王樣, 點解剩係得毛ga!!!" 睇睇下俾我見到個點金輪鷹頭勾, 毒發喇! 再睇, 見到金輪十字架! 神啊!!!!!!!! 點解可以咁靚!
於是走上淘寶... 當時我仲未知咩係Goro's, 傻下傻下以為Goro's只係呢一類型銀器o既統稱!!! 不過淘寶睇極都發覺得始終冇銀器之王樣page裏面各位用家所post出o黎o既相咁貴氣, 結果俾我遇到我自己戴緊果個大陸牌.... 我都仲係覺得好貴, 新手淘寶又驚中伏, 於是就日日睇日日諗日日計個銀包有幾錢, 睇多左學多左, 開始知咩係Goro's, 神啊!!! 點解你要俾我呢個窮人迷上呢d咁貴o既o野!!!!! 太貴, 買大陸牌算!
不過毒品呢家o野, A貨同B貨好唔同, 吸開o既人自然知道分別, 而且番唔到轉頭, 好難有停o既一日... 買完戴住之後, 我依然日日睇! 之後就俾我搵到MC..... 學到的更多了~
到e+我都仲未有一樣Goro's, 係有一個擺到明係假o既十字架 (不過我戴裏面, 純粹宗教問題, 一定唔會戴出o黎). 到e+我都仲係好想擁有最少一樣Goro's (中途俾鷲見騎劫左果d唔講喇, 大家都知道, 我都好想入鷲見).
Goro's好, 鷲見好, AF好, LS好, TK好, KK好, 好慶幸自己可以遇上日系日第安銀器! 人生再次有番d動力 (我本身好負面)! 繼續日日睇~~~~
打到咁鬼長, 多謝ching有心機睇哂! 各位遇上Goro's o既故事又係點o既呢?
|
|
發表於 2014-7-23 13:57:55
樓主
發表於 2014-7-23 16:58:46
