三年隨想曲

十四毛

三年，咁就玩左三年，三年前我係CH常客，老友W成日叫我玩Goro's，我一聽見要排隊仲要幾個鐘，心諗傻的嗎？到有次的起心肝諗縮數既然收八點，我就七點排，最多一個鐘啫，原來係有截龍呢樣野，如是者，又玩遲左幾個月，錯過左先金未火紅之時。到現在，仍然未在本店見過一支。


到第一次正式排隊上本店，長時間排六個幾鐘頭百無聊賴的等候，係呢段時間原來同時不自覺地累積緊一份期待既心情，呢份心情原來會係直到下輪到你果刻瞬間爆發(排過既兄弟會知道果種緊張感覺)，到Tara叫你們這輪可以上時，魚貫走上橙色天梯，打開那道隔絕了本店與外面世界的厚實木門，當時我有種歷劫但最後爬上山峰的感覺，我努力貪婪咁去睇四周的裝飾陳設，帶住好奇既心情睇櫃裡面既毛，全部人買完到我時，我望住當時還未知他名字的RD講，我卒之上到來，how amazing here!

十四毛

由於我以前唔太鐘意帶飾物。覺得男人老狗太多野係身好乸型。所以我一向只買皮帶銀包類，由其鐘意皮帶。我問RD牆上面掛住既皮帶可唔可以賣，佢話唔可以，係sample，我話其實我上來前係網上都睇過人地介紹，知道係好難買到，所以今次上來排，皮帶係首要目標...

佢指一指櫃檯內兩個太陽扣(大風車)，話呢兩個你可以買，我話真？跟手揀左個金繩TQ皮帶扣，我話原來皮帶係即刻做，佢話唔係，要訂做，問我可以個半月內番來領嗎？我話唔得噃，四個月可以嗎？或者朋友代領？答案係唔可以......咁無奈放棄左，而跟住先開始正式買毛毛.....揀下買下又問下RD意見，仲買左銀包，到俾錢果刻，我好決心咁同RD講，為左條皮帶，我決定專登買機票番來領，佢好滿意咁幫我度腰同開單。果次我買到金繩TQ，上金，長短鍊各一條，L金心銀心羽各一，還有大八本鵰。同場仲見到閃電介同銀淨爪，當時心仲諗，閃電俠咩，如果掛對爪上身，一定俾人笑鳳爪。

這個首次購買經驗，很開心！

十四毛

拿著手上僅有的銀器，望著大全Vol.1內的神物，自己既慾望會隨之擴展，很快會去第二次，第三次及更多，再幾個月後的一個日本長假期的星期一，我求得銀珠鍊。

記得早一日在好像排尾水，在離開本店時同RD講我明天會七點開始排隊，希望排得第一。當晚睡不穩，一早未到六點已經到達，滿有信心以為一定第一第二位，嘩，人龍原來已經排到地鐵口，現在已經是TAC大哥，我們俗稱"金剛"，當時排在我前面，似乎仍是素人一個，我還偷拍了他打瞌睡的圖片呢。

最後足足四點先入到本店，那天RD給了我驚喜，"I have something special for you!" 我獲發了銀珠鍊。

這日對我來說很有紀念性，數數圖中的毛，十四毛這個網上名字，就因為這張相而來。

kaizm

留位等睇

edwinlulu

道出入魔心路歷程

littlesoft

留位等看全家福

soniclam

留位等睇相

kitkit1009

留位等睇x2
睇完你打呢篇文，令我諗起第一次排3個鐘，到現在抽籤，呢幾年出現左好多變化
我相信排過既師兄都有心同感受，愈遲玩就愈難買

edwinlulu

同意大師兄kitkit，當去到呢個階段，已經有點進退失據嘅感覺，Goro's路只會越來越難行，所以大家都非常珍惜現在所擁有

BlessingU

入魔之道寫長小小都唔怕.我會慢慢"論"晒佢

thiefthief

留位等睇相..........

duck721

非常同意師兄，每次都好緊張！

bbcalvin37

睇左開頭，點解自己要老婆大肚先中毒，點解咁多師兄心灰先迷上，愈難買而因為照顧BB未能出發，到行得開都半年後，只可講 愛得太遲......

littlesoft

本宫是来撑撑教主的

KazafWong

十四毛 發表於 2016-2-21 11:47
拿著手上僅有的銀器，望著大全Vol.1內的神物，自己既慾望會隨之擴展，很快會去第二次，第三次及更多，再幾 ...

咁早時期已經求得銀珠鍊~~當時心情實開心死啦

scw0405

呢3年間放毒無數.都唔知毒到幾多人

issabb

留位等睇x10
以前辛苦努力堅持係有回報....依傢就運氣行先....呢個改變對我哋呢d外地人真係有d難接受...而且貨量越黎越少之下...Goro's 條路要走落去真心困難...

jimchan829

呢3年間放毒無數.都唔知毒到幾多人 x 2

ryancheung

十四兄繼續以毒王本色，發揮其放毒技量...
實在是毒王成魔之路... 讓人學習學習

black_star

以前一人份量，好多