Something about Lotus

Chinese-Tee

主動式電子懸掛系統，地面效應空氣動力學（裙腳），氣壓式活閥引擎、單體式車架、膠水合成鋁合金車架、Chapman strut，都是蓮花的發明，聽說長久以來只有兩間車廠有為其他車廠提供技術顧問，除了Lotus Engineering，另一個是Porsche Engineering, 近代的Harley-Davision就曾經將新車交給Porsche調較才推出市場，唔講唔知，蓮花更加製造過操控一流的超市購物手推車.....

http://www.thedrive.com/design/3165/that-time-lotus-built-a-shopping-cart?xid=the-drive_socialflow_facebook

十四毛

Lotus有架340R我覺得好型仔

Chinese-Tee

十四毛 發表於 2016-4-26 20:04
Lotus有架340R我覺得好型仔

香港大概有10架340R，Lotus只生產了340架，其中一架被Lotus高層改裝成專門跑歐洲山路賽，非賣品來的，街車只有339架，十分罕有。留意此車沒有車門，要扮死飛仔跳上車先夠型。除了擋風玻璃外，坐位兩則的固定小窗是強化膠片，驚死你唔夠速度感或者悶死乖客，緊接膠片下方的就是外露的鋁合金車架，圖片見到前輪車架有些好似滲出來紅色的血其實喺航空用proxy膠水，整個車架重70kg都用膠水黏合，再用鍋釘固定，無用過一口螺絲或燒焊，車身亦沒有車頂，四隻車輪沒有沙板只得輪拱，開車時可以見到前輪指向，車廂內只會被鋁合金車架包圍，及有去水小孔無地氈的鋁合金地台，坐在裡面有坐浴缸浸浴感覺，左右後鏡是直接取自意大利Aprilia電單車，中間那塊鏡和指揮燈桿組是來自Austin Metro小車，不過亦都可以換上特別訂製的鋁合金或炭纖配件，莫講話冷氣，340R連風機都無的，更加唔會有收音機，標準裝置已經喺四點式安全帶，同女士遊車河一定會被埋怨，坐位只有前後距離調較，椅背角度是固定的，坐墊沒有半吋厚，軑盤只可調高低，你的身形最好就乎合車廠的設計標準，而且此車絕對喺歧視高佬矮仔同肥佬，坐在車上，你的pat pat離地只有七吋左右，背後的Rover引擎聲好粗糙，又有排氣聲，吸氣聲，加上高頻波箱聲同風阻聲，唔喺所有男人都頂得順，睇完好似趕客咁，但喺我就好鐘意，甚至喺好興奮。呢架車屬於一位醫生，佢曾經被醫院投訴太嘈，之後都唔敢揸返工，佢都有玩Leica，可能喺呢到嘅會員。

Chinese-Tee

搵到一張相，呢幾片膠板用來調較車輛靜態時的corner height（又叫corner weight）, 從而調較行走時的動態，直接影響的有轉彎時車尾的擺動活躍程度，調較時需要車手坐在駕駛座上。

十四毛

最難搞係上落車呢下