Goro's本店遊

yuendenden

ching 上到去有咩呀？

him952

有咩入手先～～

ronald_meng

報告返先，我係40號籤大約17:20成功行上天梯進入本店，一入到去先睇睇羽毛櫃先，羽毛櫃有S、M size 金心羽，大、細箭頭、點金鷹匙，鏈就只有太丸，其他無講就係無。之後再轉睇介指櫃，有平打介喎，即問啦，點知只有S size，唔啱...咁之後我就周圍睇下，因為上次上本店太緊張都無認真咁望清楚，咁我就等左10分鐘，等其他3位都買好就再問，之後我見佢有個黑色boxing掛左係度，唔知係M定係L size，咁我就問佢有無深啡，好可惜佢話無，得黑色，之後再望見到佢有個細鹿皮掛左係度，我記得係赤茶色，咁我就問，呢個有無個大少少同深啡呀？咁佢(好似叫ken San?)就同四眼女人講左幾聲就拿左比我，咁我就梗係問佢換埋花牌啦。之後再睇銀包，銀包應該係齊色齊款，因為佢無show哂出黎，佢長財只係show左三折出黎，但我想要二折有拉鏈的，咁我又問，有無another style既深啡啦，咁佢又拿埋比我，呢個當然都換埋花牌啦，咁ken San就問我重有無其他，我就叫佢拿多兩個皮手環比我，之後就埋單了，咁total就¥248400了。比完錢我就叫ken San 幫我戴埋兩個皮手環，因為我驚我自己戴唔到，咁佢都係好好人咁幫我戴埋上手，就係咁，玩到17:40落樓。

ronald_meng

不過我有少少野想問下，個細袋係跟埋個鹿皮的，我就見個細袋有條帶好似可以單揹咁，其實佢係點用既呢？謝謝！

十四毛

而家抽四十都冇加大毛，真係灰！
以前尾水都有金繩買到，素銀XL都試過，而家......暈！

ronald_meng

十四毛 發表於 2015-9-11 23:13
而家抽四十都冇加大毛，真係灰！
以前尾水都有金繩買到，素銀XL都試過，而家......暈！ ...

其實都係，我中午見Anigo個post話今日有318組，咁我自己抽40喎，都覺得自己好好彩啦，點知原來上到去乜毛都無，我就知道你唔抽20左右你都唔好諗住有毛你睇。唉......聽日係星期六，我估應該會更多人，不過我都會去抽抽籤睇下。到時再報告返。

scw0405

個袋正呀！祝你聽日抽得更前。

睇黎抽到每日抽得太後的話真係排都無得排？

十四毛

scw0405 發表於 2015-9-11 23:25
個袋正呀！祝你聽日抽得更前。

睇黎抽到每日抽得太後的話真係排都無得排？ ...

Goro's必勝法你領略左未？

BlessingU

30之前先排吧...唔知點解可以長期乜都冇得賣...

scw0405

十四毛 發表於 2015-9-11 23:30
Goro's必勝法你領略左未？

領略中..希望唔使實行，哈哈

以前都話有得博下尾水，而家抽得差真係可以去遊覽其他地方~

kl8723

多謝師兄本店遊包膠！祝你聽日勁抽俠上身！

BlessingU

其實有次我真係最後1個上到去,佢好多都show左出黎,有標價,但全部都話sold out,真係比佢吹漲

十四毛

最慘係以前本店見多人會密密手做，但觀乎最近夏休及之後情況，似乎係本店唔會見人多就放棄固有服務質素，唔會催促上左去既人，仍然係20至30分鐘一轉四個人。

ronald_meng

今日休息一天

kaizm

今日原本老友會幫我排下
但佢遲左去
但佢都影左張龍尾俾我睇下
情況幾惡劣

Haze

What did you bought finally .. ?

ronald_meng

最後一日，今日早左到，10:30就到左所以企得前返少少。

kl8723

巧剪張丫！唔知師兄抽成點呢？

ronald_meng

好傷心

scw0405

ronald_meng 發表於 2015-9-13 13:57
好傷心

而家真係入到本店當贏左
會唔會等落去!?