兩週年小記(不日好慢地更新)

toys_madman

禪爺強帖！

yuendenden

留名等好嘢！

buyan

禪爺好鬼感性

kaizm

每次出發，相信每一個人都希望入手到自己心儀或者係本店派出既特別品。
我自己都係，二月既初試啼聲之後，我終日在香港都食唔安瞓唔落，何解？
可能我真係中毒了 ，而解毒靈藥，相信只有本店石以提供。而小弟本身都有幾樣心儀Item : 平打介 ／ 平打觸同皮帶 。所以每次出發我都係Taget on 這三樣item 去攻略 。平打介同平打扼我由第一日上本店已經問.....
結果係點....自然就係三月入再出發啦。三月十二日我抽個45號 ，當時每日其實只有大約50幾人 ，所以我同抽最尾無分別，但係我係要由7:00等到直去 。事實上我真係好怕凍...而按參道又唔個點解特別凍同特別大風 。當日19:30上到去我又見到長毛，毛櫃係無野買既 ，我就問長毛平打介有無我Size 。當時已經係我第6次問佢 ，佢依然話無，最後我同佢講....我問左好多次了 ，長毛話你之前問左我5次了，佢再諗一諗就從櫃桶攞左一隻出來話只有呢隻 ，戴唔到就無計 ，一試之下竟然戴到尾指(我平身都係諗住戴尾指），於是成功入手平打介。
打麻雀時成日都話章低運高 ，估唔到係真既 ，三月十三日我竟然抽到個2號！
2號究竟有無特別野買 ，我從來無諗過 ，只係乖乖地坐在本店樓下呆等.....由7:00到13:00呢段時間其實真係好難攪....
終於上到去可以入手到我第一條XL~
而繼平打介之後既Target平打觸依然係無。

kitkit1009

禪爺撐
估唔到Tara 既情咁多人知

Manintheblack

支持!!

sumsumsum

kaizm 發表於 2017-2-2 12:15
每次出發，相信每一個人都希望入手到自己心儀或者係本店派出既特別品。
我自己都係，二月既初試啼聲之後， ...

STAFF既記憶力好恐怖

kaizm

三月返來之後我第一次參加mclassic舉辦既gathering!
當日認識了很多同好，如14毛/板主/Winnie/Supreme/little soft 等等。
發覺呢班毒癮好大既癮君子都好瘋狂～令我增加了很多有關goro's既知識。
如是者四月都去左幾日，個幾日都繼續問平打觸～kan san 都係話無。
好啦去左三個月～其實我係一次都無見過狗哥既。
之後因該工作關係.....我直到夏休先可以再出發.....

hazyben

好記得你追平打鴨難過追女

kaizm

2015年夏休，係我第一次排夏休～相信亦都係有今生無來世～點解？
因為本店第一日實施11:00抽籤，攪到好多人好似行過馬會買張3T一樣，個個都抽～單龍人龍由本店樓下經明治通再排到上SOPH!
當日我抽到7XX ~而我亦第一次同孫女有膠流.....話說落位後～我係有排既～我企左響近竹下口既位置～有一條女走過來俾左個A4 file 我，我望一望佢～我講左句what?
佢呆一呆同我講呢個file 係俾每一段最尾個個。我一手接住無再理佢～
光陰似箭 ，我個人企下企下 ，終於等到20:45可以上去 ，上到去，個毛櫃當然百無 ，每一個人就同店員家屬謝禮之後就落樓 ，我都一樣 。

Siupo

禪爺D文筆及比喻十分了得

kaizm

隔左一日，9月3日又再去本店挑機～事實上在9月1日都已經知道有素毛介了～但點解9月2日無排？因為........個日係星期三，好啦～竟然抽到個17.....太好啦～星期二我由朝排到夜晚20:45，可能連個天都感動呀！
上到去我竟然見到平打觸～我當然第一時間問有無我size....但長毛竟然話無....得L size~我就問一問可唔可以試下～試左上手，長毛望一望話唔fit我隻手叫我除返出來.....個下真係想直接衝落樓算數。但現實係我乖乖除返隻觸俾佢.....
平打觸買唔到，唯有問下毛介啦，佢就話有我碼～所以我就順利入手素毛介啦。

jacky121324

素毛介太正喇

kaizm

如是者每個月繼續去，十一月既時候，有一日上到去我見到有皮帶扣～個款好特別，記憶中大全入面都無，我就問一問長毛可唔可以訂啦，長毛依舊話唔可以。
呢個時候對我影響好大既女人出現啦！
Mito 佢主動走過來逗我～我同佢吹.......左一輪水，我再望一望個皮帶扣，問一問佢我可唔可以訂，佢諗一諗話Ok!
我即時開心到爆炸～最好笑係我望到長毛竟然偷笑.....
跟住夢幻一般的情境出現啦！
我同mito走去後面，我拿高件衫，除左條皮帶，然後mito 跪低在我下面埋頭苦幹地.......幫我度腰。
完事後佢問我幾時攞，我望一望月曆然後話三星期後可以？
佢諗一諗一口答應。
我以為我係會入手平打觸後至可以擁有皮帶，始終皮帶係一款比較特別的單品。所以話上到去好多野都預計唔到！

buyan

呢篇文真係好有娛樂“性”

chingye1227

師兄原諒我，我發現Mito 疑似有外遇，個男人仲好張揚下⋯

kaizm

三星期後順利攞返條皮帶～而十二月亦順順利利渡過 。
終於2016年一月我參與了第一次冬休 ，是次冬休亦係本店開始手帶呢個遊戲 。
第一日我抽到159 ，亦獲派發手帶 。而這次冬休亦係山口組首次出現。
第二日我抽到73 ，可以大約5:00上本店 ，當日我係第四個 ，其實未上本店 ，我已經知道有平打觸 ，上到本店 ，前面3人都有問平打觸 ，但我聽到長毛唔賣俾佢地 ，我心入面都諗唔會好似夏休一樣無碼呀.......
幸好 ，我見到平打觸再問長毛時 ，長毛佢叫佢俾隻手佢 ，佢在櫃桶攞出一隻平打觸幫我戴上 。我即係心花努放～～～全場店員Mito / 二女 ／長毛同Tara都同我講Congratulations 。因為佢地全部都知道我問左好多次!!!
於是 ，我心目中所有基本野都有齊了～～～

del6109

樓主，我第一件都係中八本雕。第一次就買到算係有緣，上次20160329 抽中62號，見到MITO 姐係代表好運降臨？？？？

yuenhuihui

kaizm 發表於 2017-2-5 13:31
三星期後順利攞返條皮帶～而十二月亦順順利利渡過 。
終於2016年一月我參與了第一次冬休 ，是次冬休亦係本 ...

可能知你問左好多次 特登留比你

hkpower2046

一直期待心頭好至數年後到親手在本店買到的喜悅，我相信只有goro''s能做到！可是我到現在也未買到平打扼，但是也會繼續期待的！希望有天會得到上天眷顧啊！