SCW0405 ching 開左個新手本店遊歷POST, 其實佢口中O既朋友正正就係我~ 詳細排隊過程同入手O既O野可以睇番ching O既post~
我就用番自己O既舊post喇~ 感覺真係講緊自己同Goro's之間O既故事咁~~
話說本來好耐之前已經plan自己一個去排, 打算排一個禮拜左右, O岩O既留唔O岩O既放 (老老實實, 我自己真係有D item係真係完全零興趣的...)
本身自己連太空倉都冇諗過住, 反而係諗住鐵人七日坐M記恰下, 行李就擺車站O既儲物櫃咁~
當然E+諗番其實都覺得自己幾天真, 估唔到排四日都幾辛苦...
其實辛苦主要係因為凍, 落雨同要早起身! 長時間等待反而唔係問題, 我本身個人都幾襟悶, 而且望住本店排, 誇張D講真係有D望到家鄉O既感覺~
同埋當時心情好忐忑, 好期待上到去會見到D乜O野, 又可以入手乜O野咁, 根本就唔會話覺得悶~
講番開始, 其實我自己都有諗過自製銀器, 不過苦無門路, 見到SCW0405 ching好似都有興趣自學整銀器, 諗住求教一下, 研究過程中, 兩個人就開始熟左D~
其實本身都冇諗過話一齊去排隊, 係有一日佢突然同我講話發現平機票, 我就提議不如兩個一齊去啦, 自己友行開行埋有個照應都好~
就係咁, 成件事兩日之內就決定左, 訂埋機票, 同公司請埋假~ 跟住就係等飛, 上MC做功課, 上IG, FB果D參考人地O既襯法~
終於去到, 如願以償! 作為一個新手, 本身都冇諗過自己會入到鷹珠, 平打, 銀心M同麥樂雞...
特別係鷹珠, KAN SAN話OK果陣我真係超興奮! 本來都冇諗過得, 純粹係抱住搏一搏O既心態, 點知
果刻個感覺, 真係仲爽過第一次接觸自己條爪毛~
以前成日唔明, 網上有人成日強調本店本店本店排排排排排, 究竟同炒價入有乜分別?
我俾多D錢, 就唔使浪費時間飛過日本, 就唔使浪費時間排隊, 就唔使上到去呢樣又唔俾買果樣又唔俾買!
當然, 每個人選擇唔同, 有人有錢冇時間, 有人有時間冇錢, 有人兩樣都有, 我唔想比較~~~~~~
只係想講, 本店入, 排過, 經歷過, 佢俾你買, 果種喜悅同炒價入, 真係爭好遠!!!
而且護法O既一句nice match, 亦都係其他人點讚你襯得好睇襯得靚都比唔上O既~
於是每日排完隊, 夜晚返到太空倉, 就O係度睇睇睇, 砌砌砌, 又計下自己買左幾多錢...
其實我上到本店真係完全冇留意價錢, 因為特登唱多左錢去, 反而上到去係周圍望, 甚至連張木檯都會仔細望果隻...
如是者, 我發現... 其實Goro's只係銷售模式令人卻步, 要排隊, 又唔知有冇心水, 有又未必俾你....
但就質量同價錢O黎講, 絕對可以話係好抵! 超值!
今次空餘閒時間就去左LS, AF, FA同SuperSmith, 對比番Goro's.... 唔... 我都係選擇排隊了~
其實如果有新手同好, 覺得Goro's貴, 覺得買Goro's麻煩, 請睇番我之前O既post!
我都係過來人, 我都曾經覺得貴, 覺得麻煩, 覺得太神化, 覺得有D人炒作得太勁~
跟住前前後後入左三四個brand, 手文字, Dear Blossom, Legend, 鷲見... 但唯一真係長期跟身O既, 就真係只有Goro's....
我都係建議最少去排一次, 如果感受真係唔良好, 先再考慮其他品牌吧!
而且排過一次, 係會上癮O既...
入手後對比番Goro's O既價錢同質量, 會令人大大減低對其他品牌銀器O既欲望, 但正常打工仔, 冇可能成日飛, 計番條數, 其實慳番唔少~
所以... 兄弟!! 無謂兜遠路喇!! 真係有興趣O既, 去排隊啦!!!!
而我自己... 今次O既體驗, 已經令我對好多銀器品牌失去左興趣...
當然, 之前買落O既我都仲係好中意, 仲係會戴! 但我應該唔會再加O野上去佢地度了~~~
好好地儲錢, 然後乖乖地去朝聖奉獻吧
|
發表於 2014-7-24 05:11:22
樓主
發表於 2014-7-24 10:13:26
