|
事緣大概2016年頭係ig見到有個代購幅相攬住條TQ全銀色,覺得幾特別諗住問吓幾錢然之後覆返呢話冇價錢冇得賣冇得訂，見到咁嘅回覆就覺得好奇怪點解冇得訂，然後就開始做research上網不停搵資料。慢慢就知道Goro's呢個牌子然後又比我搵到mclassic呢個site。每一日都會想上嚟呢度lun下啲post，慢慢慢慢就開始中毒嘅第一步。
經過每日上呢呢度洗腦，喺2016年中就決定一月去排一次。係出發之前都知道其實排隊唔係咁簡單,又要等又要抽籤又要再等有時仲要受氣，但係都冇刪減我果團火！！最終一月排左四日結果如下：
1/19: 炒左好似#121 1/20: 14！可能因為第一日抽唔中第二曰抽嗰陣時都係平常心，抽嗰陣時都預咗唔得但係一見到個Number係14嗰陣時都呆左呆因為冇諗過係呢個Number然之後長頭髮個女人(唔記得咗咩名)望一望Mito果下嘅時候心諗xx la會唔會唔俾我上，之後Mito打量左我一下之後然後噏頭(唔知係咪身上已經有兩件銀器帶着所以ok)，當我仲呆緊嘅時候有個長髮嘅男人就叫我申隻手出嚟比手帶，攞完手帶之後重好慌張唔知去邊排，好在當時有板主及其他資深會員在場教去隊尾開始跟Number排，等上本店。唔知點解嗰日好遲先開始放人上去，我排14好似要成差唔多三點先上到。上去之前又要多謝版主嘅分享教我點樣要有禮貌淡定咁樣去買嘢，千祈唔好show到個猴琴樣or成個買手咁樣。上到去當然第一時間留意右手邊個毛櫃，可能Number唔後基本上普通嘅毛都有，又有大調及全部鏈都有，我就根據板主嘅advice 先開始問一問可唔可以揀條X L嘅毛Ken San said ok！就揀咗條TQ上金，然之後再望一望個櫃問下可唔可以要條銀鏈，再show吓身上面嘅紅珠繩，Ken San 又話OK！佢問round or square 我就揀咗條big square。之後再睇銀包，好快就揀咗個長財再加條皮繩，試銀包嗰陣時我話唔係好知點tide 然之後Mito就示範咗一次俾我睇然後夾硬要我做一次，逗留左大約5分整個和過程就結束！林尾我仲同佢哋講笑話I will be back tomorrow to change the concho.....點知嗰日係我唯一一日可以上到去 1/21: 炒左好似#119 1/22: 炒左#唔記得
排完四日之後有少少分享，冬天去排一定要着足夠衫，用暖包，因為嗰度可以好大風！儘量着啲平凡啲嘅衫吾好標其立二，因為唔知係咪我着衫嘅問題21號俾比個so call security叫走咗。仲有有機會上去的話落樓梯嗰陣時要小心因為真係好跌，爭啲轆落樓梯。
總括嚟講雖然只係上都一日但係都已經好滿足、唯一後悔嘅就係冇換個concho。雖然返咗只係兩個星期已經諗緊幾時再去排過.......
重有想再多謝版主教路及有幸跟禪爺坐係表參道欄杆吹左一陣水，當中學到唔少野！
| 
發表於 2017-2-2 01:21:22
發表於 2017-2-2 01:52:06
